Bir çoxlarımız sistemində ofis paketi mövzuddur. Paket içərisində ki, Outlook proqramı ilə tanışıq. Lakin nə iş gördüyü, necə istifadə edildiyi haqda çoxlarımızın xəbəri yoxdur. Qısa olaraq şərh edim ki, proqram Sizin elektron poçtunuzu rahat istifadəsi üçün nəzərdə tutulmuşdur. Bir çox elektron poçt xidməti verən şirkətlər e-poçt üçün POP3 və SMTP xidmətləri də təklif edir ki, bu xidmətlərin köməyilə Siz rahat məktublarınızı Outlook proqramı ilə idarə edə bilərsiniz.
Bu dərsimizdə bu əməliyyatı hansı ardıcıllıqla həyata keçirəcəyimiz haqda geniş məlumat əldə edəcəksiniz. Əvvəlcə onu nəzərinizə çatdırıram ki, bizə lazım olacaq bəzi məlumatları Siz öz elektron poçt saytınızın kömək bölümündən əldə etməlisiniz. POP3 və SMTP adreslərini elektron poçta giriş ettikdən sonra kömək bölümündə axtarış ilə tapa bilərsiniz. Əgər bu xidməti olan elektron poçtunuz varsa deməli kömək bölümündə mütləq lazımı məlumatları əldə edəcəksiniz.
Misal üçün: Google mail (gmail.com) üçün lazım olacaq POP3 və SMTP adresləri:
pop.google.com
smtp.google.com
Nümunədəki bütün şəkillər Office Outlook 2007 versiyasında çəkilmişdir. Digər versiyalarda kiçik fərqlər olsada hamısı eyni funksionala malikdir. Köhnə versiyalar da sadəcə bir qədər ardıcıllıq fərqli bölmələrdə ekrana gələcəkdir. Əsas lazım olan məlumatları doğru daxil etməkdir.
1. İlk olaraq Tools >> Account Sttings... daxil olun.
2. Account Settings bölümündən E-mail qrup başlığı altındakı New düyməsini sıxın. Nəzərinizə çadırıram ki, Outlook içərisində birdən çox da e-poçt adresinizi idarə edə bilərsiniz. Dərsimizdə ki, ardıcıllığı daha sonra təkrarlayaraq digər mail adresləriniz də proqram daxilinə əlavə edə bliərsiniz.
3. Açılan yeni bölümdə artıq bizə lazım olacaq e-poçt məlumatlarını daxil edirik.
You name – olaraq Siz öz ad və soyadınızı daxil edin.
E-mail address – üçün elektron poçt ünvanınızı tam yazın.
Digər bölümdən POP3 olaraq istifadəçi tipini təyin edirik.
İncoming mail server – bura siz öz mail serverinizin POP3 xidmət ünvanını yazmalısınız. Böyük ehtimal bu pop.domain.com şəklində təyin edilir. Yuxarıda qeyd etdiyiniz kimi bu məlumatları mail serverin kömək bölümündən dəqiqləşdirəcəksiniz.
Outgoing mail server (SMTP) – bölümü üçündə SMTP server ünvanını yazmalısınız.
Və növbəti Logon İmformation üçün də lazım olan usename və şifrənizi daxil edin. Qeyd etməliyəm ki, username olaraq mail adresinizi tam yazmalısınız. Aşağıdakı mümunədə də görürsünüz.
Əgər evdə şəxsi kompyüterinizdə istifadə edirsinizsə Remember password seçimidi aktiv edə bilərsiniz. Bu Sizin hər proqramı icra ettikdə şifrə istəyib-istəməyəcəyini təyin edir. Bunu aktiv etsəniz hər açılışda yeni məktubları avtmatik şifrə tələb etmədən yükləyəcəkdir.
4. Son mərhələdə bu məlumatları doğru daxil etdiyinizə əmin olduqdan sonra Test Account Settings… düyməsini sıxaraq məlumatları doğrulayın. Aşağıdakı nümunədə xəta baş verdiyini görürsünüz. Əgər Siz məlumatları doğru daxil etsəniz status olaraq doğrulandığını göstərəcək. Artıq ondan sonra irəli düyməsini sıxaraq bölümü bağlaya bilərsiniz.
Sonda nəzərinizə çatdırıram ki, e-poçt adresinizə göndərilmiş bütün məktublar bu proqram vasitəsilə birbaşa sistemə yüklənərək serverdən silinir. Yəni artıq paneldən öz hesabınıza giriş etdikdə Siz burada oxuduğunuz məktubları görə bilmicəcəksiniz. Əgər istəsəniz bunu özəlliklər bölümündən dəyişdirə bilərsiniz..
Bu qədər.
Sualı olan buyursun…